Illum l-istudenti u l-edukaturi fl-iskola tagħna libsu l-oranġjo biex noħolqu kuxjenza dwar id-dijanosi tal-ADHD. Apparti minn hekk, grazzi kbira għall-edukatriċi s-Sa Annabelle Vella, stedinna fl-iskola lis-Sur Claude Agius , kant-awtur magħruf ukoll bħala IL-LAPES, flimkien mas-sieħba tiegħu s-Sa Nadine. L-istudenti tal-kunsill tal-iskola għamlulu intervista sabiex insiru nafuh aħjar. Hu tkellem dwar l-esperjenza personali tiegħu bħala persuna bl-ADHD minn xiex għadda, x’ħass u kif bil-mod il-mod ħadem fuqu nnifsu bl-għajnuna ta’ professjonisti u beda jirnexxielu jegħleb ċertu ostakli. Ma naqasx li jkantalna waħda mid-diski tiegħu. Nirringrazzjawh mill-qalb tal-ħin li ddedika għalina. Żgur li ħalla impatt pożittiv!