Taħdita minn Carmel G. Cauchi lill-istudenti tat-Tieni Sena 
Illum fl-iskola lqajna lill-awtur Carmel G. Cauchi li qasam magħna aspetti differenti minn ħajtu. Cauchi mexxiena l-mixja ta’ ħajtu minn tfulitu sal-lum. Dewwaqna ftit mil-ħajja tal-imgħoddi u messejna ma’ tradizzjonijiet ħelwin u sempliċi.
Imxejna l-mixja tal-awtur u l-ewwel pubblikazzjonijiet tal-kotba tiegħu. Kellimna wkoll fuq l-istili li kiteb – stejjer umoristiċi ta’ Pietru Pitravu għal Betta Trumbetta għal stejjer qosra, avventuri u fantastejjer. Kotba li żgur iltqajna magħhom fi tfulitna!
Enfasizza kif permezz ta’ kitbietu dejjem ipprova jwassal xi tagħlima. Uriena li l-karattri tal-istejjer tiegħu nistgħu nqabbluhom ma’ esperjenzi personali tagħna lkoll!
Tkellem ukoll dwar
il-limerikki fejn huma mmirati biex inisslu tbissima imma wkoll b’vokabolarju Malti mżewwaq.
Iltqajna wkoll mal-illustratur Frank Schembri 
li jpaxxina bit-talent artistiku fejn nkunu nistgħu nimirħu fl-immaġinazzjoni tagħna. Is-Sur Schembri jirrakkonta l-mixja artistika tiegħu u l-opportunitajiet li kellu. Huwa enfasizza dwar il-ħidma kollaborattiva ta’ bejnu u bejn l-awtur u t-tipi ta’medja li juża għall-illustrazzjonijiet tiegħu.
Il-ħbiberija ta’ bejn l-awtur u l-illustratur tgħinna napprezzaw aktar ix-xogħol tagħhom.
Fl-aħħar iffirmaw il-kotba ta’ wħud mill-istudenti.
