Ilbieraħ l-istudenti li qegħdin fir-Raba’ Sena kellhom l-opportunità, li flimkien mal-edukaturi jżuru postijiet kulturali ġewwa l-Belt Valletta, fosthom il-Barrakka ta’ Fuq, il-Parlament, it-Teatru Manoel u l-Konkatidral ta’ San Ġwann. Grazzi tassew lis-Sur Joseph Micallef (gwida) li ta informazzjoni tassew utli lill-istudenti, u permezz tagħha żgur li se jaslu japprezzaw iktar il-kultura u l-istorja ta’ pajjiżna.
